اسرع علاج لعسر هضم الحياه الزوجيه...!.!.!.!.! ؟

[الجواب المفقود]

أسرع علاج لعسر هضم الحياة الزوجية !!؟؟

سمعت إيه آخر الأخبار
إيه خير
فلان طلق فلانه
يا خبر إيه ده همّا كمان
مش فاهم
اصل علان انخلع من علانه
إيه الحكاية هو مفيش جوازه ناجحة أبدا
مين قال كده
أنت مين ؟
أنا الجواب على السؤال
وإيه جوابك يا سيدي
ديما في مشاكل كتيره في الحياة بس لازم نواجهها
مجبتش جديد
أقولك يا سيدي
إحنا داخلين على شهر رمضان
يعني ضروري نخلي البيت في حاله كويسه عشان نعرف نعبد ربنا
الجديد بقى إن في 20 وسيله لمواجهة المشاكل الزوجية
ممكن تختار منهم أي وسيله تناسبك
بجد
وإيه هم ؟
1- تبادل الهدايا بين الأزواج كل يوم إما ماديا أو معنويا
2- تخصيص يوم للحديث بين الزوجين
3- نظرات الحب والإعجاب بين الزوجين
4- التحية الحارة والوداع الحار بين الزوجين
5- الثناء على الزوجة دائما والغيرة الطيبة بينهم
6- الاشتراك معا في بعض الأعمال الخفيفة مثل إعداد قائمة البيت
7- الكلمة الطيبة والتعبير العاطفي مثل كلمات الحب
8- نزهه قصيرة خارج المنزل كزيارة أو المشي في مكان جميل
9- الجلسات الهادئة والحوار اللطيف والمرح بينهم
10- التوازن في الإقبال والتمنع أي الحكمة وعدم الإفراط في الأمرين
11- التفاعل بين الطرفين في الأزمات الخاصة
12- التجديد ومحاربة الروتين والملل
13- الملاطفة بين الزوجين طوال النهار مثل اللمسة الحنونة
14- المصارحة والتنفيس والبوح بالمشاعر بين الزوجين تجاه كل منهما الأخر
15- محاولة الانسجام والاستمتاع وهجر المشاكل عند النوم
16- الشكر والثناء لكل منهما الأخر
17- التغاضي عند الزلات والاعتذار عند الخطاء
18- الاحترام والتقدير بين الزوجين
19- النظر في سيرة الرسول صلى الله عليه وسلم في تعامل الزوجات
20- أهم شيء نداء الزوجة بأحب الأسماء اسم الدلع يعني
وبكده تتحل كل المشاكل بين الأزواج
تصدق فكره أنا هعمل كده مع مراتي النهارده
بس استنى هقولك
إيه تاني
يعني مثلا لو كنتوا زعلانين مع بعض
مش من أول مره هتشد ناعم معاك على طول
يعني إيه
يعني هيكون في شوية دلع منها
طب واعمل إيه
يبقى لازم تستحملها وفوت أي حاجه تعملها لمدة حوالي اسبوع كامل
لحد ما ترجع المياه لمجاريها
الأهم من ده
انك تعمل كل ده بس
لله
عشان ربنا يبارك لك فيه
واوعى تنسى
إيه ؟
ابقى قولي حصل إيه
...

[الفارس]

بارك الله فيك على النصائح الثمينة


تحياتي لك

[بحر الإسلام]

جزاك الله كل خير أخى فى الله الجواب المفقود

على هذه النصائح الثمينه والغاليه

[الجواب المفقود]

جزاكم الله خير على هذا الرد الطيب
اخوكم في الله

[MR.TOP]

السلام عليكم ورحمة الله وبركاته
جزاك الله كل خير اخى فى الله شريف
Top

[الإمبراطــ999ــور]

السلام عليكم ورحمة الله وبركاته

شكراً اخي الكريم الجواب المفقود وجزاك الله كل خير

[الجواب المفقود]

لا شكر على واجب اخي في الله
وان شاء الله سوف اكمل الموضوع بحل كل مشاكل
الزوج والزوجه وربنا يهدي المسلمين
عشان نقطع سيل الدم المستمر بين الازواج
آآآآآآآآآآآآآآآآآآمين
اخوكم في الله

[الجواب المفقود]

انت عارف لما تكون بتحب تعمل ايه
يا جماعه في ناس كتير جدا بتقول انها تعرف معنى الحب
بصراحه انا شاكك في الموضوع ده
عار فين ايه
تعالوا نسال اي عريس وعروسه متجوزين جديد
نقلاقي العريس في اول شهر مغرم صبابا
والعروسه كذالك لكن بعد شهور تبدأ مشاكل الحياة
والنتيجه تدخل البيت تلاقيه عباره عن كوم قمامه
والزوجه تحت عينيها ازرق وذراعها مكسور
اما الزوج ربنا سترها معاه ودماغه اتفتحت بس
لو كنت سالت العريس في بداية الزواج عن العروسه كان قال اشعار حب في العروسه
لكن الان هيقول اشعار بردوا بس مش حب لكن لعن وسب
تفتكروا العريس والعروسه فعلا كانوا بيحبوا بعض
الحقيقه معنى الحب عندهم كان مضروب بالنار 100*100
تعالوا نشوف معنى الحب في زمن الحب الجميل
كان يا مكان كان في زمان
على ايام الرسول كان في واحد تزوج من سيده وكان زواجهما حديثا
وكانت الزوجة تحب الزوج جدا
وكان الزوج يذهب يوميا الى العمل صباحا ويعود ليجد زوجة حنونة وطفل سعيد وبيت نظيف
حيث ان الله قد رزفهم بطفل
وذات يوم ذهب الرجل الى العمل صباحا كالعادة
وفي هذا اليوم تعب الابن جدا لانه كان مصاب بالحمى ولم يستطع تحملها فمات الطفل
فماذا كان تصؤف الام والزوجه ( تعلمي يا عروسه )
ذهبت الى اهلها وذفنت الطفل
كان اهم شيء يدور في عقلها هو زوجها الذي سياتي من العمل مجهد
كيف ستخبره بالخبر المؤلم
انتظرت الزوجه الزوج حتى عاد من العمل
وتزينت له وعندما عاد الى البيت اكل وشرب وفي النهاية اخذ حظه منها وبعد ذلك
تخيوا كيف اخبرته بالحقيقة المره اسمعوا باقي الحكاية
الزوجة- اردي ان اسالك عن شيء
الزوج- اسالي ما تريدين
الزوجة ما رايك في قوم اؤتمنوا امانة
الزوج- يحافظون عليها حتى يطلبها صاحبها
الزوجه- ما رايك لو رفضوا ردها
الزوج- قال فانهعم اثمين
الزوجه- لقد ائتمننا الله امانة واستردها منا ثانية
الزوج- ماذ1ا تقولين ؟ ماذا حدث ؟
الزوجة - لقد مات ولدك فاصبر واحتسب
( اتعلم يا عريس )
الزوج- والله لاشكونك لرسول الله
وعندما دهب الزوج الى رسول الله وجد رسول الله يقول له لقد اصابت زوجتك
ترى ماذا يفغل الزوج
هل يعود ويصرخ ؟
لا وانما لم يجد احن عليه من ايدي زوجته فمال عليها وبكى الى ان اصبح هادئا
فهل من معتبر
شفتوا ايه اول حاجه عملها
افتكر رسول الله
مش مد ايده وضرب الزوجه واهان الزوجه وازاي تعملي كده وكلام كتير ملوش لزمه
وشوفوا هي الاخرى كان اهم حاجه عندها زوجهارهيرجع البيت تعبان من الشغل ازاي تقوله الخبر من غير الم
يا جماعه الحب مش كلام الحب ده وسيلة لتحقيق الاحلام
الحب عمره ما كان اوهام بالـحـب مـمـكـن نـرفـع الاعلام
الـحـب عـمره ماكـان تـسـليه الــحـــــب اسـاسه الاحـتـرام
اسالكم بالله عليكم كيف احتلمت ما فعلته من اجل زوجها على الرغم من ان ولدها قد توفى ؟
احتملت بحب زوجها ومعرفتها لحقوق الزوج
اسالكم بالله عليكم كيف احتلم ما فعل مع زوجته بعد معرفة الخبر ؟
احتمل لانه يحب زوجته وايضا يعرف حقوق زوجته

اقرؤوا كتب الدين وكتب الفقه وتعلموا ما هي حقوق الزوج والزوجه
حتى تعيشوا في مان وتتم بكم الاعمال
وينتج عنكم ذرية ترفع لواء الاسلام
اخوكم في الله

[الجواب المفقود]

اااااااااااااااااااااه مراتي
الكلمه دي بنسمعها كتير جدا من الازواج والزوجات
مراتي هيه السبب
وايضا الزوجه بتقول نفس الكلمة الزوج هو السبب في كل المشاكل
لكن لو احنا فعلا نظرنا الى الموضوع بشكل اعمق لوجدنا
ان كل من الاثنين هم ا السبب في كل مشاكل الزوجيه
وايضا مشاكل الاولاد
ازازي؟
اولا الاب تجده طوال اليوم مشغول فنجد الام غاضبه على هذا الوضع
ايه الحل لها ؟
تجلس مع الاوا وتبدأ في سرد حكايات كثيره عما مضى من سنين عمرها مع هذا الزوج الفاشل الذي تركها وحدها ودائما يجلس مع اصحابه الذي فضلهم عليها
وايضا الحكايات الخاصه التي حدثت فيما بينهم من مشاكل زوجيه
ما ننتظر بعد سماع هذا الكلام من الاولاد ؟
اولا عقوق الوالد ثانيا ممكن تصل الى كره الوالد تماما
طب هل الوالد يسكت على هذا اكيد سيعلم ان الزوجه قالت ما قالت
ولهذا سيرد على كلامها باظهار بشاعتها في التعامل وتسلطها معه وانانيتها وهكذا
ماذا ننتظر من الابن ؟
لا يسعنا سوى اننا نجد في النهايه الابن او البنت كرهت الاب والام على افعالهم الشنيعه وسيا
ويتمنوا لو انهم لم يولدوا في هذا البيت الكئيب
شيء متوقع جدا
والحل ايه ؟
اتمنى اني اسمع منكم الحلول والرد على هذه المشكله
اخوكم في الله
الجواب المفقود

[الجواب المفقود]

لا يسعنا سوى اننا نجد في النهايه الابن او البنت كرهت الاب والام على افعالهم الشنيعه وسيا
ويتمنوا لو انهم لم يولدوا في هذا البيت الكئيب
شيء متوقع جدا
والحل ايه ؟
دي كانت اخر كلمات كتبتها من فتره ولم اجد رد واحد عليها
ولهذا قررت العوده والكتاب والرد على نفسي من جديد
احنا الان بنسال ايه الحل لمشكلة شكوة الام والاب للابناء
طبعا اكيد احنا عرفنا ان لما الاب والام بيشتكوا للاولاد بيسببوا مشكلة كره لاحد الابوين اما الام او الاب
وطبعا ده شيء مكروه في الدين الاسلام الا وهو وكره الاب او الام
قوله صلى الله عليه وسلم للأعرابي حين قال من أبر قال أمك قال ثم من قال أمك قال ثم من قال أمك قال ثم من قال أباك
صدق رسول الله
إرواء الغليل
837 ( صحيح )
طب وبعدين الحل ايه؟
والله يا جماعه مفيش غير زي ما قلت قبل كده في الموضوع السابق قبل ده
ان كل واحد يعرف حقوق الغير
بمعنى ان الزوجه تعرف حق زوجها كويس جدا والزوج يعرف حق زوجته كويس جدا
طبعا والاهم من ده كله
انه كل واحد فيهم يختار صح من البدايه
بمعنى انا هختار زوجه صالحه ائتمنها علي وعلى اولادي وعلى حياتي كلها
وهكذا الزوجه تختار زوح صح من البدايه
زوج تأتمنه على نفسها وعرضها وحياتها وكل ما لديها
اعتقد يا جماعه فعلا ان الاختيار الغلط من البدايه هو سبب كل المشاكل بين الازواج
طبعا لاختلاف الفكر والطباع والتعامل والمستوى الاجتامعي وحاات كتير كده ملهاش عدد
لكن يا جماعه فعلا بجد
أي حاجه من الحاجات الي قلتها زي الفارق الاجتماعي والمستوى المعيشي وغيره متفرقش مع واحد ووحده فعلا كل هدفهم في الدنيا ربنا
بجد والله كل واحد فيهم عارف كل الاخر عليه ايه وايضا عارف ازاي ممكن يرضيه وعارف بردوا ازاي يجعل بيتهم سعيد
والاهم من ده كله انه عارف ايه اسباب السعاده الربانيه لجعل البيت سعيد ولا ايه رايكوا يا جماعه
اتمنى ان الناس تقرا صفات الزوجه الموجوده فيروضة الاخوات وصفات الزوج الصالح
وان شاء الله ميكنش في مشاكل بعد كده
اشفكوا الخناقه الجايه
اخوكم في الله

[العابده لله]

السلام عليكم ورحمة الله وبركاته...
اخى فى الله.. الجواب المفقود..
مش عارفه اقولك ولا اوصفلك , مدى اعجابى الشديد بموضوعك ده
فعلا موضوع مهم جدا وقضيه خطيره جدا.. جدا
للاسف الناس كلها بتقول" اذا دخل الجواز من الباب هرب الحب من الشباك .. "
وانا فعلا مقتنعه بالكلام ده .. فى ظل الاحوال والمواقف والافعال اللى بنشوفها هذه الايام بين الازواج والزوجات.

فمثلا ... البنت من دول بتكون زى القمر ومهتمه بنفسها عشان تكون جميله
لكن اول ما تتجوز .. مش عارفه ايه اللى بيحصل بتتحول جميلة الجميلات الى انسانه يصعب النظر اليها
وطبعا فى الحاله دى الزوج بيكون له حق انه يمل منها .. واذا وجِد الملل سوف تظهر المشكلات فى حياتهم وتصبح جحيم ... وده كان مجرد مثال وفى غيره كتييييير.....
بس بجد الحلول اللى اقترحتها انت لو قدر كل زوج وزوجه العمل بها .. سوف يستمر الحب بل سوف يكون فى تزايد دائما .. وجزاك الله كل خير ..
اختك فى الله
العابده لله

[الجواب المفقود]

تفتكروا فعلا في رمضان ممكن الازواج يمضوا عقد جديد
ويرفعوا راية السلام بينهم
ويفكروا من تاني
ازاي ممكن نخلي حياتنا سعيده
ازاي ممكن نخليها كلها طاعه
ازاي من خلال علاقة الزواج دي نخلي ربنا راصي عنا
ازاي نعمر بيوت المسلمين
ازاي نكون اسن الناس
ياترى فعلا ممكن نكون احسن مسلمين متزوجين
ربنا يصلح لينا كلنا الحال
ورمضان كريم
اخوكم
الجواب المفقود

[العابده لله]

تفتكروا فعلا في رمضان ممكن الازواج يمضوا عقد جديد
ويرفعوا راية السلام بينهم
ويفكروا من تاني

اكييييييد ....
عارف كلامك ده فكرنى بالاستاذ عمرو خالد
كان فى احدى حلقاته قال وصفه كده وزى ما سمهاالوصفه السحريه
فعلا هى سحريه جدا كمان ..

وهى ان الزوج والزوجه يعبدوا ربنا مع بعض
بدل ما هى تصلى لوحدها وهو يصلى لوحده .. بدل ما تقرأ قرآن وحدها وهو يقرأ وحده .. بدل ما هى تفطر صائم وحدها وهو يفطر صائم لوحده

ليه ما يشاركوش بعض .. تخيلوا كده زوج وزوجه يصلوا ركعتين قيام مع بعض تخيلوا اد ايه ربنا هيفرح بيهم وتخيلوا فرحته بيهم دى هتجلب عليهم سعاده اد ايه وتحول حياتهم من الملل للحب اللا حدودى ..


مش بس الزوج والزوجه لا الاسره بأكملها
الاب والام والابناء .. اد ايه ربنا هيسعد بأسره تعبده مع بعض
يلا ندخل الجنه سوا يا جماعه ...


" يا أيها الذين امنوا قو انفسكم واهليكم نارا وقدوها الناس والحجاره "

[Dr\sara]

السلام عليكم و رحمه الله

معلش بقى يا جماعه المشاركه جت متأخره شويه
بس بجد ما شاء الله عليك يا محمد و الموضوع جميل جدا

على الخناقات بقى و الأختلافات و كده
أعتقد انه السبب الأساسى دلوقتى بعد الناس عن الدين و صفات رسول الله أولا.
و أكيد كمان ظروف الحياه الأقتصاديه...... و دى مشكلتها مشكله لأنها قادره ببساطه جدا انها تهد اجمد بيت لو مفهوش صبر و تفاهم بين الاتنين اللى فيه من الأول
و الله بابا لسه قريب قايللى الكلمه دى" بيقولى الناس تعبانه أوى "
دخله رمضان و المدارس مع بعض و الناش مش ملاحقين يا عينى .
أكيد الزوج هيكون مضايق و شايل الهم يا حرام ...و الست كمان

أه بنقول كله ان شاء الله بالصبر هيعدى و فى الأول و الأخر ده رزق من عند ربنا.
بس ساعه الموقف أو المشكله اللى مش هيقدر يصبر يبقى كله هيقع.

سبب كمان هى التربيه و الشخصيه
هل الزوج و الزوجه دول ظروف تربيتهم كانت ايه ؟؟
هل طبيعيه و عاديه و عارفين ربنا ولا لآ ؟؟

أصل دى كمان مشكله.....
ان ممكن تكون التربيه من الأساس غلط.. فا كل واحد منهم يطلع مقتنع بحاجه و بينفذهاو هو شايفها طبيعيه..

يعنى مثلا واحده اتربت فى بيتها و شافت مامتها ان الصوت العالى هو اللى بيجيب نتيجه.... يبقى طبيعى هتعمل كده فى بيتها

واحد اتربى و شاف ان مع ابوه الكدب هو اللى بيريح دماغه من المشاكل .... يبقى طبيعى برضه هو هيعمل كده

الحل أولا هو حسن الأختيار و ده توفيق و نصيب من عند ربنا طبعا
ثانى حاجه الزكاء
زكاء فى المعامله.... محدش فينا مفيهوش عيوب " لكن فين الزكاء بقى فى التعامل مع العيوب دى "
تالت حاجه هدوء الزوجه و الزوج ... يعنى مش أول رد فعل يكون عصبى " أسمع و أفهم الاول و بعدين أتصرف " عايز بقى تزعق ولا تتخانق يبقى ساعتها مش مشكله مادام فهمت الاول

ساعات بقول و الله ان الواحد أفكاره مثاليه شويه علشان مدخلش الحياه دى و عاش فيها و اتحمل مسئوليه و مشاكل
مش عارفه لسه......
بس ربنا يسهل و نشوف و ان شاء الله خير يا رب :)

معلش يا جماعه انا طولت اوى بقى ....أستحملونى :)

و كل سنه و أنتم طيبين

[الجواب المفقود]

ساعات بقول و الله ان الواحد أفكاره مثاليه شويه علشان مدخلش الحياه دى و عاش فيها و اتحمل مسئوليه و مشاكل
مش عارفه لسه......

حقيق الكلمه دي عندك حق فيها فعلا وهي اننا لسه مشفناش الموضوع ده على الطبيعه يعني لسه مشفناش الحياه الزوجيه بس ربنا يكتبها لينا كلنا
يارب وانا اولكوا
اما بخصوص كلام الاخت العايده ففعلا
ده احسن اسلوب لعمل الفه بين الزوجين وهيه حياة المشاركه
لما يتشاركوا في كل حاجه اكيد هتكون كل اجه بالنص بينهم وساعتها محدش يقدر يتفرق عن التاني او يفكر يبعد عنه
يارب
اشوف كل الازواج والزوجات مطمئنين
واشوف كل واحد وواحده مش متجوزين يتجوزوا وربنا يعف شباب الاسلام
اللهم امين
اخوكم في الله
مصطفى

[حنين]

السلام عليكم ورحمة الله وبركاته
جزاك الله خير علي هذا الموضوع

الموضوع جميل بس انا كنت عايزه اذكر بأن حسب النيه ربنا بيسهل ويبارك في أى شئ

بجد انما الأعمال بالنيات ولكل امرئ ما نوي

يعني أي فتي أو فتاه مقبلين علي خطوة الزواج المفروض يعددوا النوايا وبعد كده ربنا ييسرلهم الأمور

أقامة بيت صالح يذكر فيه أسم الله وتقام شعائره.

تربية جيل يحمل الرايا بجد لأنها منكسه لبعدنا عن الدين.

تحفيظ ابنائنا القرآن ونحفظه معاهم وبعدين ندخل كلنا الجنه.

ولما هيحفظوا القرآن نعلمهم ونتعلم معاهم أزاي ننفذه وبالتالي مش هيبقى في عقوق للوالدين ولا

مشاكل زوجيه ولا تفكك أسرى لأن كل واحد عرف ليه أيه و عليه أيه.

أترك أحد يدعو لي وانا ميت "وولد صالح يدعو له" .

اتباع سنة الرسول صلي الله عليه وسلم.

وممكن نعدد النوايا ونزود بس نفكر وكل ما زودنا زاد الأجر

وفي الأول و الأخر أرضاء ربنا والتقرب منه بأسره دينيه صالحه

وما ننساش أن ربنا قال "من تقرب الي ذراعاً تقربت اليه باعاً ومن أتاني ماشياً اتيت له هروله"

ها يا شباب دي بشرى أحسنوا النوايا وان شاء الله نرزق بزوج صالح وزوجه صالحه وبيت سعيد

بأذن الله ملئ بالحب لله .:1syellow1:

والسلام عليكم ورحمة الله

[الجواب المفقود]

تعالوا نجدد الموضوع ده من تاني

واللي يسمع عن مشكلة زوجية يدخل وميترددش في طرحها

وتعالوا نشارك في حلها

منتظر اول مشكلة زوجية

تقبلوا مروري

اخوكم في الله

[الجواب المفقود]

معقول محدش سمع عن مشكلة زوجية قريب

ربنا يهدي الازواج والزوجات


بس كده مش هناكل عيش لاننا مش هنحل مشاكل

وعلى رأي اللي قال مصائب قوم عند قوم فوائد ههههههههههههههههههه

تقبلوا مروري