عاوز تعرف ايه ممكن يحصل بكره بسرعه قولي برجك ايه ....

[الجواب المفقود]

انت بقى عاوز تعرف ايه ممكن يحصل بكره
اسف في اللفظ
انت مالك عاوز تعرف ليه
لو علمتم بالغيب لرضيتم بالواقع
ذات يوم نام الامام الشافعي
وراى في المنام ملك الموت فسال ملك الموت متى سيموت
فاشار له بيده برقم 5
فاستيقظ الامام من نومه
وذهب لابن سرين ليساله عن هذا الحلم
فقال له متى ساموت هل بعد خمس ايام ام سنين ام دقائق
فقال له
ملك الموت كان يريد ان يخبرك ان الله اختص بخمس اشياء لم يعطها لاحد وهم
( إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ )
طبعا هما دول الخمس حاجات التي اشار بها ملك الموت
اكيد كده عرفت انك لما بتحاول انك تعرف الغيب
كده انت بتتحدى الله عز وجل في اختصاصه
طبعا انت عارف اكيد نتيجة التحدي ده
ولا ايه
طبعا والحديث قال صلى الله عليه وسلم
(من أتى عرافا فسأله عن شيء لم تقبل له صلاة أربعين ليلة) صحيح مسلم
ها لسه عاوز تعرف هيحصل ايه اعتقد انك لازم تفكر الف مره
قبل ما تعمل العمل ده
وقبل ما اخلص اسال سؤال
انت عندك كام صلاه مقبوله اصلا عشان تفرط في الصلاه بالشكل ده
ها لسه بالله عليك ربنا ارحم بكتير منك
لانه رحمك من التفكير وشيل الهم في بكره
خلاك تتصرف كانك تعيش ابدا في الدنيا طبعا ده بنص الحديث
بس افتكر الباقي اعمل لاخرتك كانك تموت غدا
بالله عليكو فوقوا من الوهم ده
لانه عباره عن تدمير للعقيده
وهي ايمانك بقضاء الله وقدره
خدوا بالكوا من ايمانكوا
انا نسيت اقول حاجه مهمه جدا
في بعض الشيوخ حللت الموضوع ده
لحد دلوقتي مش عارف ازاي
تعالوا معي نعرف ايه الحقيقه فعلا
هل فعلا في علم اسمه علم النجوم ؟ الاجابه نعم
طيب هل حلال ام حرام دي القضيه والسؤال المهم
في حديث قال فيه الرسول عن ابن عباس قال رسول الله ( من اقتبس علما من النجوم اقتبس شعبة من السحر زاد ما زاد ) حديث صحيح في رياض الصالحين صـ522 رقم 1671
كده عرفنا ان الكلام ده عباره عن نوع من انواع السحر
طيب تعالوا نسال سؤال تاني هل السحر حلال ام حرام
قال رسول الله ( ثلاثة لا يدخلون اجنه مدمن الخمر وقاطع الرحم ومصدق بالسحر) صحيح كتاب الترغيب والترهيب رواه ابن حيان رقم 2539
من كلامي ده نفهم ان الكلام ده سحر والسحر اثبتنا انه حرام
طيب في ناس هتقول طيب ازاي كلامهم بيطلع صح
عن عائشة رضي الله عنها قالت سمعت رسول الله ( ان المللائكه تنزل في العنان - في السحاب - فتذكر الامر قضي في السماء فيسترق الشيطان السمع فيسمعه فيوجه للكهان فيكذبون معها مائة كذبة من عند انفسهم ) اخرجه ابن ماجه وابو داود واحمد
ها لسه في اسئله تاني عن الموضوع ده
اعتقد اني رديت على كل الاسئله بالاحاديث الصحيحه
وعلى العموم في سؤال انا عاوز اساله
ليه احنا بنسمع الكلام الصح ونصدقه وبنسيب الكلام الكذب ومش بنفكر فيه
يا جماعه لو النجوم فعلا ممكن تعرفنا كل حاجه
يبقى ممكن نسيب الله وعبادته ونسالها انها ترحمنا وتدخلنا الجنه ولو حد عنده اي مشكله يطلبها منها
لو كان الكلام ده صح كان اللي قبلينا عرفوا يعملوا كده
تعرفوا انا خايف من ايه
اننا نرجع لعصر الاصنام ايام زمان كانوا بيعبدوا الاصنام
واحنا الان بنعبد النجوم ارحموا نفسكوا وارجعوا لله وفوقوا من الوهم ده بقى في حاجات اهم انتبهوا ليها
كفايه ان كرامتنا تحت الاقدام بسبب انشغلنا عن قضيتنا الحقيقيه يا ريت نرجع لدينا
والله الموفق
اخوكم في الله

[بحر الإسلام]

جزاك الله كل خير أخى فى الله الجواب المفقود

على هذا الموضوع الرائع

وأدعوا الله تعالى أن يهدى شباب الامه لما يحبه ويرضاه

ويبعدهم عن هذه الاشياء التى تلهيهم عن عباده الله عز وجل

والسلام عليكم ورحمه الله وبركاته

[الإمبراطــ999ــور]

السلام عليكم ورحمة الله وبركاته

شكراً اخي الكريم الجواب المفقود على هذا الموضوع وارجوا ان تعل كلمة انت ملك عاوز إلى ( مانك عاوز ) جزاك الله كل خير وبارك الله فيك

[الجواب المفقود]

جزاكم الله خير اخواني
اما بالنسبه للاخ الامبراطور
فاعتذر لك فلم افهم مقصدك
وجزاكم الله خير

[حنين]

السلام عليكم ورحمة الله وبركاته

شكراً لك اخي الكريم

الموضوع جميل و في وقته

لأن بجد انا مش عارفه أه اللي بيحصل الناس متأكده أن دي كذب لكن باين من كثرالزن

منين ما تفتح التليفزيون تلاقي البرامج دي

والاكثر كمان قول برجك وبرج من تحب وهما يشوفوا الموضوع ينفع ولا لأ

هههههههههههههههههههههههههههههههه

كأن ما فيش معايير المفروض اننا عرفنها ودينا و تقاليدنا وضعوا لها ضوابط

وسيبك من دي كله وأدخل في برامج تفسير الحلام

و للأسف اللي بيقدمها أزهري وتفسيرات غريبه ما علينا

يارب ثبتنا

اللهم لا تزغ قلوبنا بعد اذ هديتنا انك أنت الوهاب

جزاك الله خير

السلام عليكم ورحمة الله وبركاته.

[الجواب المفقود]

ياه يا حنين
الموضوع ده من زمان قوي محدش فتحه
جميل جدا انك بتدوري على المواضيع بالشكل ده
بس على فكره
انا عاوز اقولك على حاجه مهمه بالنسبه للموضوع ده
الناس بتعرف الواحد من كتر المشاكل اللي سمعوها وبيبدأو يحسسوا اللي قصادهم انهم عارفين مشاكلهم من غير ما يحكوا
والناس طيبه بتصدق انهم عارفين الغيب
ربنا يهدينا يارب
ربنا يجازيكي خير على المرور
اخوكي في الله

[كيلوا زولديك]

عجبتني "وانت مالك عاوز تعرف ليه"
بس بصراحه اول ما قرأت اسمالموضوع استغربت ازاي موضوع كده يدخل المنتدى (على اساس ان الحاجات حرام)
واللي زاد استغرابي انه لسه موجود بس لما قرأته فهمت عندك حق ف كل كلمه قلتها
الناس بتضيع وقتها ف الجرايد والتلفاز ع الكلام الفاضي وزي ما الحديث قال بيكدبوا معاها ممئه كدبه
يعني زي ما فيه الللي بيحصل فيه اللي مبيحصلش

[الجواب المفقود]

اي خدمة مقلب لذيذ مش كده

هكذا كانت الصحابة تداعب ولكن في الحق

اتمنى من الله ان نتسابق مع الصحابه

كم تمنيت هذا مع العلم ان هذا يعتبر صعب حاليا ولكن ثقتي في الله اننا نستطيع ولو القليل مما فعلوا


جزاكم الله خير على المرور


اخوك في الله

[كيلوا زولديك]

"هكذا كانت الصحابة تداعب ولكن في الحق"
فكرتني بقصه سمعتها عن المزاح النبوي
بيقولك الرسول "صلى الله عليه وسلم" وابو بكر كانوا بيكلوا فكان ابو بكر ياكل ويحط بذر التمر اما الرسول "صلى الله عليه وسلم"
لما اكلوا ابو بكر بيقول للرسول "صلى الله عليه وسلم" اكلت كل الكميه ده
فرد النبي "صلى الله عليه وسلم" مش احسن من اللي بياكل التمر ببذره
......................................
طبعا انا قلت الكلام بالمفهوم مش بالنص

[الجواب المفقود]

جميله جدا القصه دي

ربنا يبارك لك


جزاكم الله خير على المرور

[كيلوا زولديك]

طيب ايه رأيك طبعا انت اللي هتنفذ تفتح موضوع كل واحد يدخل يكتب موقف من المزاح النبوي ده اذا مكنش فيه موضوع كده يعني ولو موافق نفذ

[سارة]

بسم الله الرحمن الرحيم
مشكـــــــــور اخي على المعلومات الرائعة . جزاكم الله خيرا

[قلب محب]

السلام عليكم ورحمة الله
هذا موضوع جميل جدا بس انا دخلت لانى كنت متأكد انى مش هلاقيها زى عنوانها
اما بالنسبه لمزحة النبى - صلى الله عليه وسلم- فكانت مع على رضى الله عنه ولم تكن مع ابو بكر
شكرا
قلب محب

[الجواب المفقود]

ااااااااااااااااااااااااااه



لالالالالالالالالالالالالالالالا



مفيناش من كده


اما يكون المعلومة تمام والا فلا



جزاكم الله خير على المرور


اخوكم في الله

[كيلوا زولديك]

ماشي يا قلب محب انا قولت على حسب ما سمعت وكمان يا سيدي انا اسف وشكرا على تصحيح المعلومه

[بلا أمل]

السلام عليكم ورحة الله وبركاته
سيدي الجواب المفقود
جذبني موضوعك وسؤالك " عاوز تعرف بكره فيه ايه ليه وانت مالك" وفكرت طويلا قبل أن اكتب لأخبر لماذا.. مما يجب قوله اني تعرفت على منتداكم من كتابتي " بكره فيه ايه " في البحث في الجوجل.
وأثارني سؤالك وكذلك ردك" وانت مالك" لا يا سيدي .. فأنا أبحث عن بكرة بتاعي أنا ولهذا أسباب كثيرة منها مثلا " وقوع البلا ولا انتظاره" ومنها الفضول ومنها وهو الأهم البحث عن الخلاص.
سيدي .. نعم أنا اومن أنه لايعلم الغيب الا الله وأنه كذب المنجمون ولو صدفوا ولكني لا أبحث عن ذلك .. أنا أبحث عن شيء شبيه بالفراسة واستقراء الواقع.
سيدي .. لا تحدثني عن قلة الايمان ووجوب حسن الظن بالله فأنا اعلم ذلك جيدا كما اعلم انه يوجد من كتب لهم الشقاء ومن كتبت لهم السعادة .. أنا اعلم اني من المبتلين او على الاقل اعتقد ذلك - ودون التطرق الى التفاصيل - ولذلك أكاد أقف على أطراف أصابعي لأري الغد وأعرف ماذا يخبي هل .. هل سأجد فيه الراحة التي أريدها ورحمة ربي التي أرجوها .. أم سأجد المزيد من الفتن والابتلاءات .. فمن كثرة ما الاقي اكاد اقع وانا اهرب وهذا ما اخشاه ويفزعني.. هل سأقع أم سأكمل الطريق .. هل أنا ممن قيل فيهم " يوم يوفى الصابرون اجرهم بغير حساب " أم ممن قيل فيهم " الذين ضل سعيهم في الحياة الدنيا وهم يحسبون انهم يحسنون صنعا "
عندما تجد أنك محاصر بطوفان ومطلوب منك ان تنجو دون ان تبتل .. صدقني سوف تتمنى ان تعرف هل ستغرق ام ستنجو حتى وان ابتللت.
سيدي .. عندما ابحث الغد وما فيه فأنا أبحث عن رحمة ربي التي وسعت كل شيء .. وأستشرفها قدر امكاني .. أبحث عن مصيري وقدري.. ابحث عن دليل يساعدني ويقويني ..
عندما تمر بك الايام وانت تتمنى - عافاك الله- ان تكون في غيبوبة ابدية او تفقذ ذاكرتك وذكرياتك وذاتك.. لانك خائف ان تضيع مع الضائعين .. بل مدرك ان ستضيع حتى وان طال وقت مقاومتك.. عندها ستتمنى ان تعرف ماذا في الف غد وليس غد واحد
وليس الهروب من الحاضر والماضي بمعرفة الغد ومايخبئ شيء جميل فقد يكون كالمستجير من الرمضاء بالنار. ولكنه بقايا الامل في ان اكون ممن يشملهم الله برحمته وينجيهم .
سيدي .. اعتذر عن اطالتي وبعثرة افكاري ولكنها شبيه الى حد كبير بما انا فيه.. ارجو دعواتكم لي لعل الله يرحمني بدعوة عن ظهر الغيب منها.
السلام عليكم ورحمة الله وبركاته

[الجواب المفقود]

السلام عليكم ورحة الله وبركاته
سيدي الجواب المفقود


انا لست بسيد وانما ان عبد من عباد الله بل والله انا اقل منكم جميعا لو علمتم ما في نفسي

السلام عليكم ورحة الله وبركاته
جذبني موضوعك وسؤالك " عاوز تعرف بكره فيه ايه ليه وانت مالك" وفكرت طويلا قبل أن اكتب لأخبر لماذا.. مما يجب قوله اني تعرفت على منتداكم من كتابتي " بكره فيه ايه " في البحث في الجوجل.
وأثارني سؤالك وكذلك ردك" وانت مالك" لا يا سيدي .. فأنا أبحث عن بكرة بتاعي أنا ولهذا أسباب كثيرة منها مثلا " وقوع البلا ولا انتظاره" ومنها الفضول ومنها وهو الأهم البحث عن الخلاص.
سيدي .. نعم أنا اومن أنه لايعلم الغيب الا الله وأنه كذب المنجمون ولو صدفوا ولكني لا أبحث عن ذلك .. أنا أبحث عن شيء شبيه بالفراسة واستقراء الواقع.


كلمة حكمة جميله جدا بتقولك اعمل اليوم كانه اخر يوم وفكر في الغد كانك ستعيش مدى الحياة


السلام عليكم ورحة الله وبركاته
سيدي .. لا تحدثني عن قلة الايمان ووجوب حسن الظن بالله فأنا اعلم ذلك جيدا كما اعلم انه يوجد من كتب لهم الشقاء ومن كتبت لهم السعادة .. أنا اعلم اني من المبتلين او على الاقل اعتقد ذلك - ودون التطرق الى التفاصيل - ولذلك أكاد أقف على أطراف أصابعي لأري الغد وأعرف ماذا يخبي هل .. هل سأجد فيه الراحة التي أريدها ورحمة ربي التي أرجوها .. أم سأجد المزيد من الفتن والابتلاءات .. فمن كثرة ما الاقي اكاد اقع وانا اهرب وهذا ما اخشاه ويفزعني.. هل سأقع أم سأكمل الطريق .. هل أنا ممن قيل فيهم " يوم يوفى الصابرون اجرهم بغير حساب " أم ممن قيل فيهم " الذين ضل سعيهم في الحياة الدنيا وهم يحسبون انهم يحسنون صنعا "


اختي في الله الايمان يزيد وينقص يوما بعد يوم حتى في الشيوخ التي تهتدي على يديهم اما عن النظر الى المستقبل
من منا لايحاول جاهدا ان يرى مستقبله هل مضيئ ام مظلم ولكن لو علمتم الغيب لرضيتم بالواقع

ان كنتي ممن قيل فيهم وبشر الصابرون فأبشري واحمدي الله على هذا واذكريه كثيرا
وان كنتي ممن قيل فيهم الضالين فاحذري تقربي من الله اكثر

وكيف لنا ان نعرف ان كنا من هذا او ذاك

لله علامات للرضى لن اقولها لك اليوم ولكن سأعطيكي فرصه كي تعرفيها بنفسك قبل ان اقولها لك

اختي في الله الخوف من الدنيا وما فيها سبيل التائبين للعودة الى رب العزة لو كانت الدنيا حلوة لما فكرنا في الاخرة

السلام عليكم ورحة الله وبركاته
عندما تجد أنك محاصر بطوفان ومطلوب منك ان تنجو دون ان تبتل .. صدقني سوف تتمنى ان تعرف هل ستغرق ام ستنجو حتى وان ابتللت.
سيدي .. عندما ابحث الغد وما فيه فأنا أبحث عن رحمة ربي التي وسعت كل شيء .. وأستشرفها قدر امكاني .. أبحث عن مصيري وقدري.. ابحث عن دليل يساعدني ويقويني ..
عندما تمر بك الايام وانت تتمنى - عافاك الله- ان تكون في غيبوبة ابدية او تفقذ ذاكرتك وذكرياتك وذاتك.. لانك خائف ان تضيع مع الضائعين .. بل مدرك ان ستضيع حتى وان طال وقت مقاومتك.. عندها ستتمنى ان تعرف ماذا في الف غد وليس غد واحد
وليس الهروب من الحاضر والماضي بمعرفة الغد ومايخبئ شيء جميل فقد يكون كالمستجير من الرمضاء بالنار. ولكنه بقايا الامل في ان اكون ممن يشملهم الله برحمته وينجيهم .
سيدي .. اعتذر عن اطالتي وبعثرة افكاري ولكنها شبيه الى حد كبير بما انا فيه.. ارجو دعواتكم لي لعل الله يرحمني بدعوة عن ظهر الغيب منها.
السلام عليكم ورحمة الله وبركاته

اولا ربنا ييسر ليكي الحال عن جد ويجعلك من التائبين المهتدين

ولكن انا لا اتمنى ان اكون في غيبوبة وانما اتمنى ان القى الله وانا ادافع عن ديني

ان كان هناك طوفان قادم علينا فعليكي ان تتعرضي له وتصديه عنكي وعن كل ضعيف في الدين

اختي في الله ان لم تستطيعي ان تقفي امام الطوفان فاحظي بشرف المحاولة لصده عنا وعن كل مسلم

اجعلي هدفك رباني ينهي الالم ويأتي بالامل

ولا تنكري الامل في الوجود طالما غدا موجود عسى الله ان يهدينا الخير غدا او يختبرنا ليقربنا منه

هذا بداية حديثي معكي

وللحديث بقية ولكن انتظر ردك

تقبلي مروري

اخوكم في الله

الجواب المفقود

[الجواب المفقود]

السلام عليكم ورحمة الله وبركاته

انتظرت ردك اختي بلا امل ولكن.........................

اتمنى ان يكون انصلح معكي الحال

بارك الله فيكم جميعا