مش عارف اربّي اولادي اعمل ايه ؟.........

[الجواب المفقود]

مش عارف اصول التربيه عشان اربي ولادي ؟
اعمل ايه
كلنا فكرنا في الموضوع ده كتير جدا وللاسف الناس حتى الان مش عارفه وسيله للتربيه الاسلاميه الصحيحه
ممكن ننجز الكلام في الموضوع ده بسهوله جدا
انك تشوف ايه المطلوب منك في الدين وتعلمه لابنائك
بمعنى
مطلوب منك انك تصلي يبقى علم ولادك الصلاة
مطلوب منك انك الا تعوق الوالدين يبقى تعلم ولادك انهم لا يعوقوا الوالدين
وهكذا الموضوع سهل جدا
بس الطريقه دي مختصره جدا
يعني اكيد في مطالب ممكن ننساها
عشان كده فكرت في اننا نعمل حلقات عن التربيه في الاسلام
نحاول فيها مناقش كل مشاكل التربيه
وكمان نحاول نضع الوسائل المساعده في التربيه السليمه
وكمان نعرّف الاباء الوسيله السليمه للدخول الى عقول الابناء وجعلهم اصحاب بدل ابناء
الموضوع ده يا جماعه محتاج منا كلنا شغل كبير جدا
بمعنى مش هقدر الم كل مشاكل التربيه
بمعنى اني هكون ديما محتاج اليكم لتمدوني بالمشاكل التي تواجه الابناء من الاباء
عشان نقدر نحل المشاكل ده قدر المستطاع
اعتقد ان في الكتير منا لسه متجوزش
يعني احنا محتاجين الموضوع ده عشان نعرف هنربي ولادنا ازاي
ياريت نتشارك في الحوار فيما بيننا
عشان نعرف ايه المشاكل الموجوده في التربيه
طبعا مشاكل التربيه كتير جدا
منتظر افكركوا والمشاكل التي تواجهكم كابناء
عشان نحلها
ومن المره الجايه هتبتدي الحكايه
حكاية ازاي اربي ولادي تربيه أسلاميه سليمه
اخوكم في الله

[قمة الإسلام]

السلام عليكم ورحمة الله وبركاته

اخى فى الله / الجواب المفقود

جزاك الله كل خير وبارك الله فيك على طرحك مثل هذه المواضيع

وانا ان شاء الله اسوف اربى اولادى كما كان رسول الله صلى الله عليه وسلم كان يربى اطفال المسلمين

:bf--::at--::bf--:

[العابده لله]

السلام عليكم ورحمة الله وبركاته..
لفت نظرى هذا الموضوع الجميل بفكرته الرائعة
ولكنى لاحظت شىء انه لم يكمل بعد .. لا اعرف لماذا
فحقا الاخ .. الجواب المفقود .. يناقش قضية هامة للغايه والتى هى فى اعتقادى اذا استطعنا حلها سوف نحل الكثير من المشاكل فى مجتمعنا اليوم ..
فاذا فكرنا للحظات فى معظم المشكلات فى مجتمعنا سنجد ان منبعها من سوء التربيه .. واذا فكرنا فى حال المجتمع الاسلامى بعد عدة اعوام اذا استمر الحال على ما هو عليه فكما تعلمون سوف نضيع ..
لان للاسف الكتير من الشباب اليوم لا يعرف الكثير والكثير عن دينه والسؤال الذى يطرح نفسه " كيف سيصبح هؤلاء اباءا وامهات في المستقبل ..؟؟؟
ولهذا اطلب من الاخ الجواب المفقود ان يتكرم ويستكمال هذا الموضوع نظرا لاهميته البالغه .. وتقبل خالص احترامى
اختك فى الله
العابده لله

[الجواب المفقود]

السلام عليكم
الاخت الغاليه العابده لله
فعلا انا سعيد ان في ناس بتدور على المواضيع القديمه وبتحاول تحييها من جديد
لفته جميله جدا منك اتمنى ان تظلي هكذا
اما بخصوص اكمال هذا الموضوع فبصراحه انا مليت من كتر كتابة مواضيع لا اجد رد عليها سوى الشكر والترحاب بالموضوع فقط ولا اجد اي نوع من انواع الحوار بيننا في الموضوع
ولهذا كررت الا اكمل اي موضوع الا عندما اجد من يهتم به
ولهذا اعدك ان شاء الله انني سوف اكمل هذا العمل طالما وجدت ان هناك من يتابع ويقرأ ويحاول ان يجعل هناك حوار هادف
وتقبلي مني جزيل الشكر وفائق الاحترام
اخوكي في الله

[metr3000]

يا الجواب المفقود
عليك ان تكمل وتكتب دون انتظار الردود وعلينا ان نرد ونشارك ليستمر العطاء بلا حدود
وانا كثيرا بكتب موضوعات ولا توجد ردود لها وممكن تدخل على موضوعاتي وترى بنفسك ولكن ذلك لا يشغلني
وانا اذكر لك الان قصة بخصوص تربية الاولاد
وانتظر ردك


قام أبو زيد البسطانيي يتهجد الليل، فرأى طفله الصغير يقوم بجواره فأشفق عليه لصغر سنه و لبرد الليل و مشقة السهر .

فقال له: ارقد يا بني فأمامك ليل طويل

فقال له الولد: فما بالك أنت قد قمت؟

فقال: يا بني قد طلب مني أن أقوم له

قال الغلام: لقد حفظت فيما انزل الله في كتابه: " إن ربك يعلم أنك تقوم أدنى من ثلثي الليل ونصفه و ثلثه و طائفة من الذين معك" فمن هؤلاء الذين قاموا مع النبي صلى الله عليه واله وسلم؟

فقال الأب:إنهم أصحابه

فقال الغلام :فلا تحرمني من شرف صحبتك في طاعة الله، فقال أبوه وقد تملكته الدهشة، يا بني أنت طفل و لم تبلغ الحلم بعد،!! 0

فقال الغلام: يا أبت إني أرى أمي و هي توقد النار تبدأ بصغار قطع الحطب لتشعل كبارها فأخشى أن يبدأ الله بنا يوم القيامة قبل الرجال إن أهملنا في طاعته

فانتفض أبوه من خشية الله و قال: قم يا بنى فأنت أولى بالله من أبيك

فسبحان الله مغير الاحوال اليوم أطفالنا في بعد عن الله بسبب الآباء المهملين الذين يعتذرون لهم دائما بأنهم صغار، من شب على شيء شاب عليه

فأنشئوا أطفالكم وشبابكم على طاعة الله فهو أصلح لهم ولكم وحاسبوا أنفسكم قبل أن تحاسبوا وأحفظوا أنفسكم ومن تعولون يرحمكم الله ويدخلكم جناته ونعيمه الدائم

جزاكم الله خيرا

[الجواب المفقود]

شكرا اخي متر على المرور

وتعالوا نكمل مع بعض انا عاوز اربي ولادي ازاي

من ضمن افكاري عن التربيه

انا مش عاوز ابني يخاف مني عشان كده مبيعملش الغلط

انا عاوز اصنع جواه ردار يخليه يشوف الغلط فين ويبعد عنه

عاوزه يخاف انه يغلط عشان ربنا

يمكن افضل اسلوب لقيته ممكن ينفذ ده هو اوجه كل شيء لربنا معاه

بمعنى اي شيء يطلبه يطلبه الاول من ربنا

وانا احققه له

ونتقابل المره الجيه مع نفسي اربي ابني ازاي


تقبلوا مروري

اخوكم في الله

الجواب المفقود

[العابده لله]

جميله اوى قصة الولد دى بجد ما شاء الله
ربنا يجزيك خير على ذكرها ..


الموضوع فعلا لازم يبدأ من بدرى ما ينفعش اكون معود ابنى على شىء
واجى فجأه واغيره ..
يعنى مثلا البنات ما ينفعش اكون بلبس بنتى بشكل معين واقول ما هى صغيره وطفله وعادى
وبعدين بعد ما تتعود على شكل معين واسلوب معين فى لبسها اقولها البسى الحجاب بقى يلا..



غير انى مش هزرع داخلهم الشىء منذ الصغر كمان فى مشكلة تانيه يقع فيها اغلب الاباء والامهات
ان الابناء يظلوا فى اعينهم صغاراً مهما كبروا .. فيجى الاب يقول لبنته لا لا انتى لسه صغيره على الحجاب
مع انها لازم تعمله وبقى فرض عليه وكذلك الولد .


اسأل الله ان يهدينا جميعا ً للخير
ويرزقنا بذريه صالحه تبث الخير فى شباب المسلمين .

[الجواب المفقود]

مرحبا اختي العابدة لله

على المرور العطر وجزاكم الله خير على ردك المفيد

وفعلا لو مغرستش العمل في ابني او بنتي عمره ما هيعمله وهو كبير ممكن ينساه لكن هو في الاصل موجود


ونرجع تاني ونقول

مشكلة جديده في تربية الابناء

ابني وهو صغير ديما بخوفه مني وبرعبه من الغلط

في معلومه مهمه جدا احنا كلنا اتعملنا من الغلط

المهم ان تعلمه لما يغلط يتحمل نتيجة الغلط عشان يتعود انه ميرميش الغلط على غيره عشان يهرب من العقاب لو كان شيء غلط

كمان حاجه مهمه جدا كتير من الاباء مش بتعرف وجهة نظر الطفل او الابن واللي بتخليه يتصرف اي تصرف

وللاسف بيكون رد فعلنا على التصرف سريع دون معرفه السبب وده غلط

افرض مثلا كان نيته خير ولكن بسبب عدم خبرته عمل الفكره غلط

يبقى انت لما رديت عليه بعنف مضاد للتصرف كإنك بتعاقبه وده في حد ذاته غلط

حاول تقرب من ابنك وهو صغير عشان تعرف فكره ايه وتوجه

عارف زي ايه زي المياه لما بتتخل الارض وبلتحم معها

عاوز تكون كده مع ابنك يكون صوره من عقلك على الرغم من فرق السن

واقابلكوا الحلقة الجاية

يله سلام


اخوكم في الله

الجواب المفقود

[الجواب المفقود]

الواد باظ

لا حول ولا قوة الا بالله

انا لله وانا الية راجعون

طيب وايه المشكلة

كل شيء ممكن يتغير لبس انت حاول تتحمل حتى يتغير

انت السبب في ان ابنك باظ لانك اهملته في البداية

عشان كده اتمنى انك تسمعه ابنك في الوقت الحالي مش هتغير مرة واحده ده محتاج واحده واحده

ان شاء الله نبتدي مع الشباب اللي تهدور به الحال من المره الجية

تقبلوا مروري

اخوكم في الله

[حجاب العفه]

السلام عليكم اخى الفاضل
لو سمحت ركز اوى عن وجوب وجود الاب دائما بجوار اولاده خاصة الصبيان لانهم اعتقد بحاجه اكثر الى الاباء حيث يصعب احيانا التواصل بين الام و ابنها فنحتاج الى نلقى الضوء على اهمية دور الاب
و بالطبع الام دورها معروف و لكن بعض الرجال يجعلون انفسهم مصدر المال فقط بغض النظر عن احتياج ابنائهم لهم
سلام الله عليكم

[sharp_muslim]

بسم الله الرحمن الرحيم

السلام عليكم ورحمة الله وبركاته

بصراحة ومن منطلق تجارب شخصية افضل شىء لمعاملة اولادك هو ان تتخيل نفسك امام والدك
اى تتخيل نفسك بدلا من ابنك
فى تقبله لك ... نقده .... ربما سخريته
كذلك فى كل شىء

لم اجد أب أم أم لا يريدون ان يكون ابنهم او بنتهم افضل البشر لذا فهم يحاولون جاهدين الوصول لهذه الغاية بكل السبل وكل من منطلق رأيه وتربيتهخ وبيئته وشخصيته وقيمه .... الخ

وسبحان الله ... الدين الاسلامى خصيب بتربية الابناء التربية الصحيحة والعاقل هو من وعى وانار لمن حوله الطريق

وجزاكم الله جميعا خيرا

[الجواب المفقود]

السلام عليكم ورحمة الله وبركاته

بجد فكرة ممتازه جدا جدا جدا

تعالوا نفكر كده سوا لو كل واحد عاوز يربي ابنه يبقى عاوز ايه

تعالوا نشوف المفروض في مواقف معينه احنا عملناها فعلا كان المفروض لو ابنك او بنتك عملتها المفروض يكون رد فعلك ايه

وان شاء الله للحديث بقية

بارك الله فيك اخي شارب

تقبل مروري

اخوك في الله

[الجواب المفقود]

السلام عليكم ورحمة الله وبركاته


محدش رد عليه في الموضوع بتاع اخونا شارب

تفتركوا لو كل واحد عاوز يربي ابنه عشان يطلع حاجه كويس هيعمل ايه ؟


منتظر رأيكوا