انا وانت ولا حد تالتنا ...............

[الجواب المفقود]

موضوع لذيذ وخفيف
واكيد كل واحد مننا هنحتاج رأيه عشان يقوله لنا هنا
الموضوع بالمختصر المفيد هنكتب حاجه وتقولنا ايه رايك فيها ووجة نظرك فيها من خلال خبرتك او مواقف انت شفتها بعينك






وتعالوا بسرعه نتكلم في اول موضوع فكرت فيه

الذهب

بجد يا جامعه موضوع الذهب بقى حاجه صعبه جدا
كل يوم نسمع ان الذهب زاد الذهب زاد
ايه مفيش مره حد يقول الذهب قل
طب مره لله
طيب ازاي بقى ممكن حد مننا كشابا عاوز يرتبط يجيب ذهب
هو احنا ناقصين
مش كفايه الشقه وهتجوز وهجيب واحده واصرف عليها كمان اجيب ذهب
مش بالله عليكوا ده حرام

عاوز رأيكون تفتكروا ممكن نحل مشكلة الذهب بالنسبه للعاوز يتجوز ازاي
تفتكروا ممكن بنت تتنازل عن الذهب في البدايه عشان مترهقش الولد
او الاهل ممكن تتنازل
ولا لازم لازم الذهب يجي في وقته عشان ميبقاش شكلها وحش قدام اهلها


منتظر رايكوا

اخوكم في الله

[moslima]

موضوع تحفة كالعادة يعنى
بص الذهب ده حاجة فعلا تغيظ
وانا عن نفسى كفاية هدية بسيطة صغيرة ولو حتى كفاية الدبلة
وعلى فكرة انا اعرف ناس كتيرة فى الخطوبة والكلام عن الشبكة كان العريس يقول الشبكة هدية منى للعروسة ولو حتى كان ايه وناس كتيرة قبلت وعايشين فى سعادة
المشكلة مش فى الذهب المشكلة الاهم الشقة والمصاريف
وعلى ما اظن محدش دلوئتى بيدقق اوى على موضوع الذهب

[الجواب المفقود]

تفتكري فعلا ان الناس معدتش بتفكر زي ما بتقولي
والمشكله كلها في المصاريف بتاعت الشقه الخ
انا عن نفسي اعرف ناس مش ممكن تتجوز الا بكميه معينه من الذهب
بس بردوا اعرف ناس بجد مهتمتش بالموضوع ده خالص
بالعكس كل الي فكرت فيه الشقه مش اكتر
ومن ضمنهم واحد اسكتدراني وكلنا عارفين ان الاسكندرنيه بيموتوا في حاجه اسمها ذهب
ومش ممكن البنت تتجوز الا بالذهب لا وايه يكون نمره واحد
تخيلوا الراجل بيكلم والدي يقوله والله يا حاج انا لو واحد اتقدم لبنتي ومعاه شقه بس ايجار او تمليك مش فارقه المهم بنتي تلاقي مكان تقعد فيه والله لجوزه بكره الصبح
فعلا في ناس كده وناس كده


شكرا ليكي اختنا مسلمة على المداخله الجميله دي
وياترى باقي الاخوه رأيهم ايه في الموضوه ده

[محبة الخير]

السلام عليكم
بارك اله فيكما على هذا الموضوع المهم الذي يشكي منه الكثير
تذكرت يوما كنت في المسجد < يوم جمعة> و في تلك الايام الغالية
كانت الفاتحة تقام في المساجد يومها سمعنا الاما م يقول الاخت
طلبت مهرها مصحف من الاخ الذي خطبها و تمت الفاتحة بدعاء المصلين
ما شاء الله على تلك الايام كان فيه المهر على حسب الطاقة و اليوم
نسال الله الحفظ .رايي كما قالت الاخت خاتم و لو من فضة و ان يتفق
الخطيبان على تطبيق الشريعة ليتم كل شيء فتواضع و في طاعة
و عدم اهمال الوالدين اعز حاجة , اما السكن على حسب الظروف
و الله المستعان و ان الله لا يضيع اجر المحسنين.
المهم نبحث عن الزوجة الصالحة و صاحبة مكارم اخلاق تحسن معاملتها
مع الزوج و تجمع شمل الاسرة و بطبيعة الحال تحسن تربية اطفالها.
و بهذا يصلح المجتمع الاسلامي . ارجو ان اكون عند حسن ظنكم .